1
Pódese atopar en: Lindisfarne.site
2
As consecuencias das situacións meteorolóxicas extremas, e en particular as secas, teñen un elevado custo económico. No caso de Galicia, un estudo estima que até 2029 ascenderá a 2.100 millóns de euros, e iso sen ter en conta os incendios que arrasaron o país en agosto. Os fenómenos extremos non só reducen a produtividade, senón que afectan o solo e danan infraestruturas. Iso si: custa moito máis non facer nada cá adoptar medidas para frear o cambio climático.
3
A ditadura de Pinochet, en Chile, documentouse tamén a través de teas que varias mulleres, as arpilleiristas, bordaban para deixar constancia do que non se lles permitía falar: a fame, os desaloxamentos, o medo, as persoas que non volvían… Varias desas pezas saíron ao exterior do país a través de entidades colaboradoras e dan fe da realidade daqueles días do mellor xeito que unha comunidade de mulleres atopou para contalo.
4
O xornal dixital GCiencia ofrece desde o mes de setembro unha serie de 15 capítulos que leva por título Raíñas de Galicia. A través dun formato multimedia (texto escrito, podcast e vídeo) e das distintas plataformas nas que GCiencia está presente en internet, recóllese a biografía e as circunstancias sociais que rodearon a vida de mulleres medievais galegas ocultadas ou falseadas no relato oficial.
5
O Concello de Ames impulsa o comercio local e de proximidade a través dun novo Mercado de Produtos da Horta e Artesanía que comezou a funcionar en setembro. Sítuase na Praza da Maía, en Bertamiráns, e conta con postos de froitas, hortalizas, conservas, ovos, doces, pan, cogomelos, artesanía ou flores. O mercado pretende fomentar o consumo local e dinamizar a produción da zona. Celébrase os sábados pola mañá e, pola tarde, terá continuidade co tradicional mercado de rúa.
6
A Asociación de Funcionarios pola Normalización Lingüística lembra a dignidade do galego
Na parroquia de Cerponzóns, en Pontevedra, a Asociación de Funcionarios pola Normalización Lingüística de Galicia (AFNLEG) celebrou un acto de reivindicación da dignidade da lingua galega. No seu curso, no que se procurou prestixiar o uso do galego na sociedade, especialmente no eido familiar e litúrxico, lembráronse persoas e entidades da Igrexa destacadas pola súa defensa do galego, como Encrucillada, Irimia, a Escola de Espiritualidade e a Romaxe de Crentes Galegos.
7
8
A activista marroquí Ibtissam (Betty) Lachgar foi condenada a dous anos e medio de prisión e ao pago dunha multa por aparecer en redes sociais nunha fotografía na que portaba unha camiseta onde se lía: “Alá é lesbiana”. Lachgar defendeu que non buscaba ofender a relixión e afirmou que a súa acción se enmarca no activismo do movemento feminista internacional e na súa oposición á ideoloxía machista e patriarcal.
