ESPAZO DE ENCONTRO DE CRENTES GALEG@S
Intentando dar continuidade ao traballado en decembro (“As cousas que dan sentido ás nosas vidas”), Crentes Galeg@s convoca un novo encontro para o sábado 6 de abril co tema “A causa das persoas empobrecidas” coa presenza de Miguel Fernández Blanco do Foro Galego de Inmigración.
DATA: sábado 6 de abril.
LUGAR: Antigo Colexio Ramón Cabanillas (no Castiñeiriño, en Santiago, enfronte ao CSC Agustín Bueno)
Coma sempre, é un espazo aberto para toda aquela persoa ou colectivo que queira participar. Animádevos!
© Foto: adiante.gal
‘As desigualdades: desafíos e propostas’
A asociación Redes Cristianas organiza, do 17 ao 19 de maio, en Madrid unha xornadas baixo o lema “As desigualdades: desafíos e propostas”.
Redes Cristianas aborda este encontro desde unha espiritualidade liberadora que abarca as principais dimensións (económicas, laborais, políticas, étnicas, culturais, relixiosas, éticas, sexuais, ecolóxicas etc.)/ etc.) que discriminan e humillan ao ser humano; e desde unhas actitudes que militan xustamente por todo o contrario, é dicir, a igualdade e a xustiza, bases da dignidade humana.
Toda a información sobre o programa e as inscricións está na web de Redes Cristianas (www.redescristianas.net).
Documental ‘La Singla’ no Auditorio de Vigo
O próximo 4 de abril, o grupo local de socias e socias de Galiza Sur en colaboración con Fiare Banca Etica , proxectará o documental de ‘La Singla’ no Auditorio Municipal de Vigo (Praza do rei, 1, Vigo) ás 19:00h. La Singla é un documental dirixido por Paloma Zapata e producido por “La Fabrica Naranja”; organización que recibiu financiación de Fiare Banca Etica.
Inscrición: https://forms.gle/CBnyhrfutSC64FYV9
