O material, composto por unha ficha de traballo e outra de orientación pedagóxica, está dirixido tanto a nenas e nenos como a adolescencia e persoas adultas, e busca amosar como Xesús se enfrontou ás normas sociais que sometían ás mulleres na súa época, tratándoas sempre con dignidade e igualdade.
A proposta invita a reflexionar, debater e asumir compromisos cotiáns contra a violencia machista. A pesar de ser elaborado arredor do 25N, o recurso mantén plena vixencia ao longo de todo o ano, tamén nestas datas de Nadal, nas que se nos chama a construír relacións máis xustas e humanizadoras.
Exeria anima a empregar este material nos diferentes ámbitos pastorais para fortalecer unha comunidade máis igualitaria e máis acorde coa mensaxe do Evanxeo.
