Foi fusilado Alexandre
nun 17 traidor.
Alí onde balas selaron
drama amargo de exclusión.
Querían facer calar
o entusiasmo da paixón.
Terra e xente, pobo, Deus
Galicia no corazón.
E o corazón cara ao mundo,
ronsel de liberación.
Novo calvario, novo Cristo,
en bágoas de redención.
Onde a inocencia padece,
padece e salva o Señor.
Lumieira para ver
as cousas con outra cor.
Vítima que amosa vítimas,
que inzan ao noso redor.
A historia co rito acedo
de quen abusa e trae dor.
Que mata e converte o sangue
en grans de sementador.
Na Caeira de Alexandre
alentos dun soñador.
Manolo Regal
