Publicacións

Separatas monotemáticas Debullando

As Angueiras

Publicacións monográficas de identidade Galega e Cristiá

Trátase dunha liña editorial aberta por Irimia no ano 1992 coa presentación de Camiñando a Compostela de Xosé Chao. Inicialmente eran uns folletiños, de entre 60 e 70 páxinas, destinados a analizar, dun xeito máis amplo ca nos artigos da revista, temas monográficos relacionados coa fe e a galeguidade.

No ano 2000 decidiuse darlle un cambio tanto na presentación coma na extensión. Neste sentido o formato medrou ata converterse nun pequeno libro e o número de páxinas ampliouse máis alá das 150.

Sinopse
A primeira versión deste libro, daquela folleto, esgotouse axiña. Unha década despois sae outra vez do prelo nunha versión máis extensa. Trátase dunha misiva que Deus nos dirixe a través da pluma de X.A. Miguélez.

Sinopse
Cousas de Veneranda é unha homenaxe a Veneranda Fernández López, unha muller pobre, analfabeta e con deficiencia psíquica que, lonxe de provocar simple compaixón, xeraba un verdadeiro amor de reciprocidade con quen a trataba. Os testemuños dos que a coñeceron condúcennos a ollada cara a esoutras vidas que nunca se destacan; ao longo das máis de 150 páxinas vaise ofrecendo unha obra colectiva que pretende ser testemuño de agradecemento pola vida que a tantos alegrou.

Sinopse
Espadas ou arados é unha análise das opcións cristiáns pola paz dende o punto de vista da propia experiencia do autor, pero sen descoidar nunca as argumentacións teolóxicas.

Sinopse
Leni é unha rapaza de 17 anos. Chea de inquedanzas un día escríbelle a un tal Xoan, que non é outro có discípulo amado. Cunha linguaxe vital e nidiamente popular, este libro é unha excelente introducción á lectura evanxélica.

Sinopse
Elabórase o concepto de inconsciente e descóbrense as raíces da angustia: a procura do pracer e maila represión. Percórrense as etapas da infancia, fonte habitual de culpabilidade, para rematar denunciando a pastoral do medo e anunciando a gratuidade do perdón de Deus.

Sinopse
O camiño da historia de Galicia está lastrado de xente que manifestou simultaneamente a súa dobre fe en Xesús e na súa causa, e na causa de Galicia e o pobo galego. Este libriño constitúe unha síntese dinámica e ben traballada desa realidade.

Sinopse
Foi preparado para o Ano Santo de 1983; analiza a cuestión histórica e revisa a concepción teolóxica.

Libros da Romaxe

Sinopse
Editado fóra da Colección Angueira o libro de Pérez Prieto é un detallado percorrido pola historia das 20 primeiras Romaxes de Crentes Galegos. Reprodúcense ademais os textos que protagonizaron as liturxias daqueles anos.