Causas que pagan a pena,
causas para cada día.
Para vivir vida plena,
para andarmos a utopía.
©Foto: Fonte: catholicnewsagency.com
- Coidar e acompañar as persoas, a familia, as amizades pero tamén a outras que pasan máis desapercibidas e non teñen quen mire por elas ou que están máis lonxe.
- Descubrir e vivir a experiencia da comunidade, de compartir, de buscar o ben común, de saber pedir perdón e perdoar.
- Coidar a natureza, á nai Terra, ao planeta que nos acolle e no que vivimos.
- Pensar criticamente, analizar a realidade indo máis alá dos discursos únicos e dominantes.
- Defender e apostar pola cultura galega, pola nosa forma de ser desde este curruncho do mundo.
- Rebelarnos, denunciar e implicarnos na loita pola defensa dos dereitos humanos e contra as inxustizas de todo tipo (violencia machista, situación das persoas inmigrantes e refuxiadas, desmantelamento dos servizos públicos, guerras…).
- Pensar en positivo, soñar con que outro mundo mellor é posible e que co noso traballo e co de tanta boa xente como hai, podemos ilo transformando.
- Vivir unha espiritualidade liberadora que nos fai descubrir a Deus en cada irmá e irmán.
- Loitar por unha fraternidade/sororidade universal que nos permitan vivir en paz.
- E no fondo, como orixe e principio de todo, seguir os pasos de Xesús, do galileo que defendeu sempre a causa dos sen causa…
